Qazaqstan halqynyń sany 19 mln-ǵa qashan jetedi

ASTANA. QazAqparat - QR Ulttyq mınıstrligi Statıstıka komıtetiniń tóraǵasy Nurbolat Aıdapkelovtiń esebin sáıkes, úsh jyldan keıin Qazaqstan halqynyń sany 19 mln-ǵa jetedi, dep habarlaıdy QazAqparat tilshisi.

Atalǵan málimetti komıtettiń resmı saıtynda ashylǵan onlaın esepteýishten de kórýge bolady. Alaıda qazirgi kezde ol júıede uzaqmerzimdi boljam jasalmaıdy. Sebebi avtomatty júıeniń derekter bazasyn jáne taǵy basqa tehnıkalyq máselelerin áli de retteý kerek. «Ázirshe, esepteýishtiń negizinde kelesi jylǵa deıingi qysqa merzimdi boljam jasaýǵa bolady. Máselen, 2019 jyldyń 1 qarashasyn engizsek, ol kezde Qazaqstan halqynyń sany shamamen 18 609 000 adamǵa jetedi. Al 19 mln-ǵa naqty qaı ýaqytta jetetinimizdi aıta almaımyn. Degenmen, qazirgi málimetterge súıensek, 2021 jyldyń birinshi jartyjyldyǵynda biz atalǵan kórsetkishke jetemiz», - dedi N.Aıdapkelov Astanada ótken baspasóz máslıhatynda.

 Aıta keteıik, búgin QR Ulttyq ekonomıka mınıstrliginiń Statıstıka komıteti xalyq sanynyń esepteýishin iske qosty. Endi, komıtettiń resmı saıtynda Qazaqstan xalqynyń naqty sanyn onlaın rejımde kórip otyrýǵa bolady. Atalǵan júıede týý, ólim, shetelden kelý men shyǵý sııaqty kórsetkishter avtomatty túrde eskeriledi. Halyqtyń sanyn jynysyna qaraı bólýge de bolady. Atalǵan joba 71 jastaǵy Erbolat Musabektiń jetekshiligimen iske asty. Qazaqstandyq esepteýishtiń basty artyqshylyǵy sol, barlyq málimetter aı saıyn jańartylady.