Qazaqstan halqynyń sany 18 mln.-ǵa jetedi - G.Ábdihalyqova
ASTANA. 10 shilde. QazAqparat - 2018 jylda Qazaqstan halqynyń sany 18 mln. adamǵa jetedi. Bul týraly búgin Astana-Máskeý-Kıev-Kıshenev-Erevan arasyndaǵy beınekópir kezinde QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdihalyqova málim etti.
Onyń habarlaýynsha, 2018 jylǵa qaraı qazaqstandyqtardyń sany 18 mln. adamǵa jetse, 2020 jylda bul kórsetkish taǵy 500 myńǵa ósedi. «Búginde BUU-nyń sarapshylary Qazaqstandaǵy halyqtyń sany 2050 jyly 21 mln. adam bolady dep boljap otyr. Bizdiń sarapshylar bolsa, onyń 24 mln.-ǵa deıin baratyny týraly ashyq aıtyp otyr», - deıdi G.Ábdihalyqova.
