Qazaqstan halqynyń sany 17 mln. 53 myń adamdy qurady
ASTANA. 13 qyrkúıek. QazAqparat - Bıylǵy 1 tamyzdaǵy jaǵdaı boıynsha Qazaqstan halqynyń sany 17 mln. 53 myń adamdy qurady. Bul týraly búgin QR Statıstıka agenttiginde ótken baspasóz máslıhatynda atalǵan vedomstvonyń basshysy Álıhan Smaıylov málim etti.
«2013 jylǵy 1 tamyzdaǵy jaǵdaı boıynsha elimizdegi halyq sany 17053,4 myń adamdy qurady, sonyń ishinde qalalyqtar - 9 mln. 366 myń, al aýyldyqtar - 7 mln. 687 myń. Bıyl qańtar-shildede, jalpy elimizde halyq sany 143,6 myń adamǵa nemese 0,8 paıyzǵa ósti. Al 2012 jylǵy 1 tamyzben salystyrǵanda 237,8 myń adamǵa nemese 1,4 paıyzǵa artty», - dedi agenttik tóraǵasy.
Atalǵan merzimde respýblıka halqynyń tabıǵı ósimi 144,4 myń adamdy qurady. Tabıǵı ósimniń jalpy koeffıtsenti 1000 adamǵa shaqqanda 14,6 adamdy qurady.
Onyń sózine qaraǵanda, qańtar-shildede AHAT organdarynda 227 myń jańadan týǵan sábıler tirkeldi, bul kórsetkish byltyrǵy sáıkes kezeńmen salystyrǵanda 1,5 paıyzǵa artty.
