Qazaqstan halqynyń sany 17 mln. 264,6 myń adamnan asty
ASTANA. QazAqparat - 2014 jylǵy 1-shildedegi jaǵdaı boıynsha Qazaqstan halqynyń sany 17 mln. 264,6 myń adamnan asyp, jyl basynan beri 0,6 paıyzǵa artty. Bul týraly Statıstıka agenttiginen habarlady.
Agenttik málimetterine qaraǵanda, Ońtústik Qazaqstan oblysynyń halqy jyl basynan beri 23,6 myń adamǵa artyp, 2,757 mln. adamǵa jetken. Halyq sany Almaty oblysynda - 13,2 myńǵa ósip, 1,998 mln. adamǵa jetken. Sonymen qatar, Mańǵystaý oblysynda - 7,7 myńǵa artyp, 595,1 myń adamdy, Jambyl oblysynda 6,5 myńǵa artyp, 1,091 mln. adamdy, Aqtóbe oblysynda 5,7 myńǵa artyp, 814,6 myń adamdy, Qyzylorda oblysynda - 5,8 myńǵa artyp, 745,6 myń adamdy, Atyraý oblysynda - 5,5 myń adamǵa artyp, 573,4 myń adamdy, Qaraǵandy oblysynda 2,6 myńǵa artyp, 1,372 myń adamdy quraǵan.
Sonymen bir mezgilde, Soltústik Qazastan oblysy halqynyń sany sońǵy 5 aıda 1,2 myń adamǵa tómendep, 574,6 myńdy quraǵan. Al Astana halqynyń sany jyl basynan beri 17,6 myńǵa ósti jáne 831,9 myń adamdy qurady. Almaty qalasynyń turǵyndary 12,5 myńǵa artyp, 1 mln. 520 myń adamǵa jetken.
