Qazaqstan halqynyń sany 17 mln. 145 myń adamǵa jetti
ASTANA. 15 qańtar. QazAqparat - 2013 jyldyń 1 jeltoqsanyndaǵy jaǵdaı boıynsha Qazaqstandaǵy halyq sany 17 mln. 145 myń adamdy qurady. Bul týraly búgin Astanada ótken baspasóz máslıhatynda QR Statıstıka agenttiginiń tóraǵasy Álıhan Smaıylov málim etti.
«Qalalyqtar 55 paıyzdy nemese (9 436,9 myń), al aýyl turǵyndary 45 paıyzdy (7 708,8 myń) qurady. 2013 jyldyń basymen salystyrǵanda halyq sany 236 adamǵa nemese 1,4 paıyzǵa ósti», - dedi agenttik basshysy.
2013 jylǵy qańtar-qarashada AHAT organdarynda 363,1 myń jańa týǵan bala tirkeldi. Bul 2012 jyldyń sáıkes kezeńimen salystyrǵanda 2,4 paıyzǵa artyq.
