Qazaqstan halqynyń sany 17 mıllıonǵa jetti deýge bolady - Á.Smaıylov
ASTANA. 15 mamyr. QazAqparat - Búginde Qazaqstan halqynyń sany 17 mln. adamǵa jetti deýge bolady. Búgin Astanadaǵy ótken baspasóz máslıhatynda QR Statıstıka agenttiginiń tóraǵasy Álıhan Smaıylov osylaı málim etti.
Onyń aıtýynsha, sáýir aıynyń basynda el halqynyń sany 16 mln. 967 myń adam bolǵan. «Alaıda adam sany týraly aqparat tıisti organdardan bizge túskennen keıin bir-bir jarym aıdyń ishinde onyń naqty qorytyndysy jarııalanady. Demek, mamyr aıyndaǵy aqparatty biz tek shilde aıynda ǵana usyna alamyz. Búginde Qazaqstan halqynyń sany 17 mln. adamǵa jetti deýge negiz bar. Biraq naqty málimet shilde aıynda belgili bolmaq», - dep atap kórsetti Á.Smaıylov.
