Qazaqstan halqynyń sany 17 mıllıonǵa tolýy úshin 47 myń adam jetpeıdi
ASTANA. 15 sáýir. QazAqparat - Jyl basynan beri Qazaqstandaǵy jalpy halyq sany 42 myń adamǵa ósti.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Statıstıka agenttiginiń basshysy Álıhan Smaıylov málim etti.
«1 naýryzdaǵy jaǵdaı boıynsha elimizdegi halyq sany 16 mln. 953 myń adamdy qurady. Sonyń ishinde qalalyqtar 54,8 paıyzdy, al aýyldyqtar 45,2 paıyzdy qurady. Jyl basynan beri Qazaqstandaǵy jalpy halyq sany 42 myń adamǵa nemese 0,2 paıyzǵa ósti. Atap aıtqanda on eki aıdyń ishinde, ıaǵnı byltyrǵy jyldyń naýryzymen salystyrǵanda 236 myń adamǵa artyp, 1,4 paıyzǵa kóterildi», -dedi agenttik basshysy.
Onyń aıtýynsha, halyqtyń tabıǵı ósimi 41 myń adamǵa jetti. Al byltyr 40 myń adam bolatyn.
«Qańtar-aqpanda AHAT organdarynda 66 myń týylǵandar tirkeldi. Bul kórsetkish byltyrǵy jyldyń sáıkes kezeńimen salystyrǵanda, 0,8 paıyzǵa artyq», dedi Á. Smaıylov.
