Qazaqstan halqynyń sany 16 mln. 615 myń adam boldy - Á. Smaılov
TANA. 14 qarasha. QazAqparat /Gúlmıra Alıakparova/ - 20111 jyldyń 1 qazanynda Qazaqstan halqynyń sany 16 mln. 615 myń adam boldy. Bul týraly búgin ótken brıfıngte QR Statıstıka agenttiginiń tóraǵasy Álıhan Smaılov málim etti.
Jyl basynan beri halyq sany 1,1 paıyzǵa kóbeıdi. 9 aıda 280 460 sábı dúnıe esigin ashsa, 109 785 adam baqılyq boldy.
«Jalpy, ólim-jitim koeffıtsenti 2010 jyldyń 9 aıymen salystyrǵanda tómendedi. Sonyń arqasynda, tabıǵı ósim qarqyny jaqsardy. Halyqtyń ólim sebepteriniń arasynda barynsha kóp úles salmaǵyn ádettegideı, qan aınalym júıesiniń syrqattary alyp otyr»,- dedi ol.
Jalpy, eldegi kóshi-qon úrdisine toqtalǵan agenttik tóraǵasy, jyl basynan Qazaqstanǵa 26 866 adam kóship kelgenin jáne 24 386 adam kerisinshe, ózge elderge qonys aýdarǵanyn málim etti. Kóshi-qonnyń oń dınamıkasy 2004 jyldan beri saqtalyp keledi. Halyq turaqty-turǵylyqty meken retinde tórt óńirdi tańdaýda - Almaty jáne Astana qalalary men Mańǵystaý, Almaty oblystary. Bul aımaqtarda kelýshilerdiń sany kóship ketkenderden kóp.
