Qazaqstan halqynyń Genaǵa degen mahabbaty esh sýymaıdy - Muhamedıuly
Gennadıı Golovkın men Saýl Alvares arasynda búgin Las-Vegasta (AQSh) ótken kezekti jekpe-jegin san myńdaǵan qazaqstandyq jankúıerler kórip, ishteı tileýles bolyp otyrdy. Alǵashqy kezdesýde teń túsken jekpe-jek, bul joly Alvarestiń jeńisimen aıaqtaldy. Tóreshilerdiń basym kópshiligi jeńisti meksıkalyq boksshyǵa berdi. Bul Gennadıı Golovkınniń óz mansabyndaǵy alǵashqy jeńilisi.
Esterińizge salaıyq, budan soń, Saýl orta salmaqta WBA/WBC/IBO belbeýleriniń ıesi atandy.
QR Mádenıet jáne sport mınıstri Arystanbek Muhamedıuly Gennadıı Golovkındi qoldap hat joldady.
«QR Mádenıet jáne sport mınıstrligi jáne óz atymnan saǵan osyndaı jarqyn kezdesýiń úshin alǵys bildirgim keledi. Sportta barlyǵy múmkin, jeńis pen jeńilis qatar júredi. Qazaqstan halqynyń óz batyry Genaǵa degen mahabbaty esh sýymaıdy. Sen búkil álemge Qazaq boksynyń áleýetin dáleldediń. Bizben búginde tek áýesqoı rıngte ǵana emes, sondaı-aq kásibı alańda da álem boksshylary sanasady. Seniń kásibı mansabyńda jarqyn jeńister boldy ári bolady da. Sen bizdiń maqtanyshymyzsyń.
Men saǵan zor densaýlyq, otbasyńa bereke men kásibı rıngte budan ári de tabystar tileımin!!!», - dep jazǵan hatynda Arystanbek Muhamedıuly.
