Qazaqstan halqynyń elimizge degen ystyq yqylasyn árqashan sezinip kelemiz – Ázerbaıjan Prezıdenti

ASTANA. QazAqparat – Qazaqstan halqynyń elimizge degen ystyq yqylasyn árqashan sezinip kelemiz. Bul týraly Aqordada Memleket basshysy Qasym-Jomart Toqaevpen shaǵyn quramda kezdesý ótkizgen Ázerbaıjan Prezıdenti Ilham Álıev aıtty, dep habarlaıdy QazAqparat tilshisi.

«Qurmetti Qasym-Jomart Kemeluly, eń aldymen, arnaıy shaqyrǵanyńyzǵa jáne qonaqjaılyǵyńyzǵa alǵys aıtamyn! Geıdar Álıevke kórsetken qurmetińiz úshin búkil Ázerbaıjan halqynyń jáne jeke óz atymnan rızashylyǵymdy bildirgim keledi. Jalpy, biz barsha Qazaqstan halqynyń elimizge degen ystyq yqylasyn árqashan sezinip kelemiz. Ázerbaıjanǵa resmı saparyńyz barysynda osyndaı tileýlestikti Siz de baıqadyńyz dep oılaımyn. Bizdiń resmı saparlar aıasynda jıi kezdesýimiz osy qarym-qatynasymyzdyń sıpatyn ańǵartady jáne udaıy baılanysta bolý qajet ekenin kórsetedi. Ózińiz aıtqandaı, bizdiń elderimizdiń bir-birine degen baýyrlastyq nıeti shynaıy. Bul – ekijaqty yntymaqtastyqty damytýǵa jaqsy negiz. Yntymaqtastyq baǵyttaryna keletin bolsaq, olardy sanamalaýǵa biraz ýaqyt ketedi. Óıtkeni ol qoǵamnyń barlyq salasyn qamtıdy. Árıne, qazirgi jaǵdaıda saýda-ekonomıkalyq jáne ınvestıtsııalyq jobalar, sondaı-aq kólik-logıstıkalyq ınfraqurylymǵa qatysty jobalar basymdyqqa ıe», - dedi Ilham Álıev.

Osyǵan deıin Qazaqstan men Ázerbaıjan arasynda taýar aınalymyn 1 mlrd dollarǵa jetkizýge bolatyny aıtyldy.