Qazaqstan halqynyń birligin nasıhattaýda BAQ-tyń róli zor - Prokopenko
«19 maýsymda Býrabaıda QHA «Qazaqtaný» ǵylymı-aǵartýshylyq jobasyn bastady. Bul - qazaq tarıhy men mádenıetin, salt-dástúri men qundylyǵyn, fılosofııasyn ózge etnos ókilderine tanytý ıdeıasy. Jedel aqparattandyrý dáýirinde jetilip kele jatqan urpaqqa tatýlyqty mıras etip qaldyrýmyz kerek. Qazaqstan halyqtarynyń birligin nasıhattaýda BAQ-tyń róli zor. Sondyqtan buqaralyq aqparat quraldarynyń ár sanyn «Qazaqtaný» jobasymen aıdarlap, bul taqyrypqa bilikti mamandardy tartýymyz kerek»,-dedi QHA tóraǵasynyń orynbasary Leonıd Prokopenko.
QR Aqparat jáne kommýnıkatsııalar mınıstrligi Aqparat komıtetiniń tóraǵasy Erjan Núkejanov etnosaralyq kelisimdi qoldaýǵa daıyn ekenin aıtty.
«Mınıstrlik etnosaralyq kelisimdi nasıhattaý baǵytyndaǵy jumystarǵa qoldaý kórsetedi. QHA etnomádenı birlestikterin damytýǵa úlesimizdi qosýǵa daıynbyz. Sondaı-aq mınıstrlik etnıkalaq aqparat quraldarynyń eldiń aqparat keńistigine qosqan úlesin joǵary baǵalaıdy. Kelisim, tatýlyq, etnıkalyq toptar jónindegi usynystardy qoldap, kómegimizdi beremiz»,-dedi Erjan Núkejanov.
TedX formatynda ótken klýb jıynynda «Aıqyn» gazetiniń bas redaktory Nurtóre Júsip, «Habar» telearnasynyń dırektory Erlan Igisinov, «Kazkontent» AQ Basqarma tóraǵasy Evgenıı Kochetov, QHA jýrnalıster men sarapshylar klýbynyń tóraıymy atanǵan «Habar» arnasy shef-redaktory Qymbat Hangeldına men basqa da tanymal blogerler BAQ salasyna qatysty tyń ıdeıalarymen bólisti. 
Jıyn sońynda BAQ qyzmetkerleri dostyq pen etnosaralyq yntymaqtastyqty nyǵaıtýǵa úles qosqandary úshin marapattaldy.
