Qazaqstan halqynyń birligi merekesi Qyzylordada keń aýqymda toılandy

Syr boıyndaǵy basty qalada ol merekelik sherýden bastaldy. Osy sátte Qyzylordanyń myńdaǵan turǵyndary qalanyń ortalyq alańyna jınaldy. Qoldaryna shar, gúl shoqtary men transparanttar ustaǵan qaýym ásem áýenmen «Qazaqstan tek ǵana alǵa!», «Beıbitshilik bizdiń basty baılyǵymyz», - dep urandatyp, sap túzep júrip ótti. Birqatar mekemeler avtomobıl platformalaryn plakattarmen jáne sharlarmen bezendirgen. Qala ákiminiń baspasóz hatshysy Baldyrǵan Mámen buqaralyq merekeniń dál osylaı toılanýy kópshilikke qýanysh syılaıtynyn jetkizdi.

Merekelik sherýden keıin qalanyń ortalyq alańynda tanymal ánshi Roza Rymbaeva kontsert berip, Syr jurtshylyǵyna ádemi kóńil-kúı syılady.