Qazaqstan halqynyń birligi merekesi qarsańynda Astanadaǵy Prezıdenttik parkte 1 myń túp aǵash otyrǵyzyldy

Onyń ishinde 200 ekpe sheten aǵashy, 200 úıeńki, 200 moıyl, 200 tal egildi.

Bul sharaǵa qalanyń «Almaty» aýdanynyń ákimi apparatymen birge 40-tan astam kásiporyn men mekeme atsalysty.

«Qalamyzdyń kógaldandyrylýyna óz úlesterin qosý úshin barlyq mekemeler, barlyǵy 43 kompanııa ózderiniń usynystaryn jasap, búgin Prezıdenttik saıabaqta myń aǵash kóshetterin egýde. Kásipkerlerimizdiń qalamyzdaǵy eń úlken saıabaqqa kelip aǵash kóshetterin otyrǵyzýy - úlken bastama jáne bul sharany aldaǵy ýaqyttarda da jalǵastyra beremiz», - dedi Almaty aýdanynyń ákimi Sapar Ahmetov.

«Bul óte tamasha saıabaq, birneshe jyldan soń, aǵashtar boı alyp, óskennen keıin, bul jer bizdiń qala turǵyndarynyń eń súıikti saıabaǵyna aınalatynyna kúmánim joq», - dep atap kórsetti ákim.