Qazaqstan halqynyń birligi kúnine oraı Shymkentte fotobaıqaý jarııalandy
ShYMKENT. QazAqparat - Shymkent qalasynyń ákimdigi 1 mamyr Qazaqstan halqynyń birligi kúnine oraı foto-challenge baıqaýyn jarııalady. Bul týraly ákimdiktiń Instagramdaǵy paraqshasynda jazyldy, dep habarlaıdy QazAqparat tilshisi.
Baıqaý shartyna sáıkes, qatysýshy dosymen nemese kez kelgen ózge ult ókilimen sýretke túsip, ózge ulttyń ulttyq kıimin kıip selfı jasaýy kerek.
«Biz «Ashyq el» degen foto challenge bastaımyz! Qane, Qazaqstan halqy - birligi men dostyǵy jarasqan el ekenin kórseteıik. Dosyńyzben (tanys, týysqan, kórshi) kez kelgen ózge ult ókilimen sýretke túsip nemese ózge ulttyń ulttyq kıimin kıip selfı jasańyz da paraqshańyzǵa #AshyqEL/#AshyqEl heshtegimen jarııalańyz. @akimat.shymkent belgileńiz. Eń tanymal bolǵan 3 sýretke 10 myń teńge kóleminde aqshalaı syılyq bar», - delingen ákimdiktiń paraqshasynda.
Aıta keteıik, buǵan deıin ákimdik qyzǵaldaqtarmen túsken sýretterge baıqaýyn jarııalaǵan bolatyn. Oǵan qala turǵyndarynan 500-den asa sýret túsip, úzdik dep 20 sýret tanylǵan. Keıinnen qala turǵyndary sol úzdikter arasynan ózderine unaǵan sýretti belgilep, pikirlerin qaldyrdy. Osylaısha 5 sýret tańdap alynyp, olar qalanyń ortalyq kóshelerindegi bannerlerge ilindi.
