Qazaqstan halqynyń birligi kúni merekesiniń ár turǵyn úshin erekshe máni bar - Q. Mámı
ASTANA. 30 sáýir. QazAqparat - QR Parlamenti Senatynyń Tóraǵasy Qaırat Mámı ınternettegi óziniń jeke paraqshasy arqyly barsha qazaqstandyqtardy Qazaqstan halqynyń birligi kúni merekesimen quttyqtady.
«Qurmetti dostar! Sizderdi Qazaqstan halqynyń birligi kúnimen shyn júrekten quttyqtaımyn! Elimizdiń ár turǵyny úshin bul merekeniń erekshe máni bar. Táýelsiz Qazaqstannyń jetistikteri men tabystary, eń aldymen, bizdiń kóp ultty memleketimizdiń barlyq azamattarynyń tatýlyǵy men dostyǵynyń, yntymaǵy men jasampazdyǵynyń nátıjesi ekeni daýsyz. Jan jadyratar osynaý jarqyn meırammen barsha azamattardy quttyqtaımyn! Bizdiń máńgilik mekenimizde birlik pen beıbitshilik, ıgilik pen tynyshtyq nyǵaıa tússin!», - dep jazdy spıker ınternettegi paraqshasynda.
