Qazaqstan halqynyń birligi kúni merekesi Almatydaǵy Áýezov aýdanynda da toılanýda
ALMATY. Mamyrdyń 1-i. QazAqparat / Ádilet Musahaev / - Búgin Almatydaǵy Áýezov aýdanynda ornalasqan «Family» saıabaǵynda Qazaqtan halqynyń birligi kúnine arnalǵan saltanatty merekelik shara ótýde,
dep habarlaıdy QazAqparat.
Burynǵy urpaq ókilderi 1 mamyr meıramyn eńbekshilerdiń halyqaralyq yntymaqtastyǵy kúni dep ataǵan. Bul meıram ıdeologııalyq urandardyń kóptigimen erekshelengen edi. Saıası qurylymnyń almasýy jáne Qazaqstan óz táýelsizdigin alýy eldegi birinshi mamyr meıramynyń mánin ózgertken bolatyn. Bul meıram qazir Qazaqstanda tatý-tátti turatyn ártúrli ult ókilderiniń súıikti meıramdarynyń birine aınalyp otyr.
Atalmysh merekelik sharaǵa qazaqstandyq estrada juldyzdary, kórkem ónerpazdar ujymdary, joǵarǵy jáne orta arnaıy oqý oryndarynyń basshylary, mektep jáne ulttyq-mádenı ortalyqtarynyń dırektorlary qatysýda.
Sonymen qatar shara barysynda almatylyqtar men qala qonaqtaryna arnalyp sporttyq oıyndar men sýret salý jarysy ótýde.
