Qazaqstan halqynyń birligi kúni men úshin birinshi kezekte qazaqtardyń adamgershiligi - Vaınah» sheshen-ıngýsh etnomádenı birlestigi aqsaqaldar keńesiniń tóraǵasy
Bul pikirdi «Vaınah» sheshen-ıngýsh etnomádenı birlestigi aqsaqaldar keńesiniń tóraǵasy Mýrat Tımýrzıev bildirdi.
1944 jyldan beri Qazaqstanda meken etip kele jatqan ol talaı zulmat jyldardy bastan ótkergendigin atap ótip, qazirgi urpaqqa tek beıbit ómir tileıtindigin basa aıtty. «Meniń týǵan jerim Ingýshetııa. Bizdi 1944 jyly qazaq jerine arnaıy qonys aýdarýshylar retinde alyp keldi. Sol ýaqyttan ber qazaq halqynyń jaqsylyǵyn kóp kórdik. Sondyqtan da men úshin Qazaqstan halqynyń birligi kúni birinshi kezekte qazaqtardyń adamgershiliginiń nyshany. Óıtkeni biz solardyń arqasynda aman qaldyq. Olar bizdi qushaq jaıa qarsy alyp, qoldaý kórsetti», - dedi ol.
Sondaı-aq ol respýblıkada ómir súrip jatqan barlyq halyqqa beıbitshilik pen yntymaqtastyqta ómir súrýine tilektes ekendigin bildire kelip: «Biz úshin eń bastysy, Prezıdent Nursultan Ábishulynyń densaýlyǵy ekendigin umytpaıyq. Bizder, sheshender úshin bul bárinen de qymbat», - dedi M.Tımýrzıev.
