Qazaqstan halqynyń birligi doktrınasy qazaq qoǵamyndaǵy eń kóp talqylaý týdyrǵan qujattardyń biri boldy - E.Toǵjanov

ASTANA. 19 sáýir. QazAqparat - Qazaqstan halqy Assambleıasy tóraǵasynyń birinshi orynbasary Eraly Toǵjanovtyń aıtýynsha, Qazaqstan halqynyń birligi doktrınasy qazaq qoǵamyndaǵy eń kóp talqylaý týdyrǵan qujattardyń biri boldy.

 Bul týraly ol búgin «Etnıkalyq tózimdilik pen etnıkalyq stereotıpter» atty dóńgelek ústel otyrysynda aıtty.

 «Barshaǵa málim, Úkimet arnaıy qaýly qabyldap, onyń negizinde mınıstrlikter men agenttikter biz sóz etip otyrǵan doktrınanyń negizgi baǵyttaryn júzege asyrýǵa baǵyttalǵan sharalar qoldanýda. Bul sharalar mınıstrlikter men vedomstvolardyń 2014 jylǵa deıingi josparlaryna engizilgen»,-dedi E.Toǵjanov.