Qazaqstan halqynyń basym kópshiligi saılaýǵa barýǵa daıyn - áleýmettik saýalnama
ASTANA. QazAqparat - Qazaqstan halqynyń basym bóligi kezekten tys saılaý ótetindigi jaıynda habardar jáne olar óz kandıdatyna daýys berýge ázir. Bul týraly búgin Astanada Demokratııa ınstıtýtynyń dırektory ıÝlııa Kýchınskaıa málim etti.
Atap aıtqanda, zertteý barysynda elimizdiń barlyq óńirlerinde 18 jastan joǵary 2 myń respondent suralǵan. «Eger saýalnama nátıjelerine toqtalatyn bolsaq, búginde qazaqstandyqtardyń elektoraldyq aqparattaný deńgeıi 92 paıyzǵa jetip otyr. ıAǵnı, saýalnamaǵa qatysqandardyń dál osyndaı kórsetkishi 26 sáýirde Qazaqstanda QR Prezıdentiniń kezekten tys saılaýy ótetindigi jaıynda biletindigin málim etti», - dedi sarapshy. «Sonymen qatar respondentterge «saılaý ýchaskesine baryp, daýys berýge daıynsyzdar ma?» degen saýal qoıyldy. Osy oraıda saılaýda daýys berýge olardyń 93 paıyzy nıet bildirdi», - dedi ol. Bul turǵyda elektoraldyq belsendiliktiń eń joǵary deńgeıi 18-24 jastaǵalardyń arasynda, stýdentter, bıýdjet qyzmetkerleriniń, aýyl turǵyndarynyń, sondaı-aq zeınetkerlik jastaǵy jáne basqa respondentterdiń arasynda baıqaldy. Osy baǵytta qalalyqtarmen salystyrǵanda, aýyl turǵyndarynyń belsendiligi joǵarylaý kórinedi. Atalǵan ınstıtýt «Qazaqstannyń Azamattyq alıansy» ZTB tapsyrysymen elektoraldyq kezeńde qazaqstandyqtardyń belsendiligin anyqtaý boıynsha saýalnamany 2015 jyldyń 15-25 naýryzy aralyǵynda júrgizgen.
