Qazaqstan halqynyń 74 paıyzy qazaq tilin meńgergen - QR Statıstıka agenttigi
ASTANA. 29 qarasha. QazAqparat /Jasulan Amanbaıuly/ - Qazaqstan halqynyń 15 jáne odan úlken jastaǵylarynyń arasynda qazaq tilin meńgergenderdiń úlesi 74 paıyzdy quraıdy
Degenmen Qazaqstanda turatyn jekelegen etnostar óziniń ana tili retinde ózge ulttardyń tilderin ataǵan. Máselen, ýkraındardyń, nemisterdiń, belorýstardyń, polıaktardyń, káristerdiń jáne tatarlardyń 49 paıyzdan astamy óz tilderin ana tilderi retinde kórsetpegen.
Búgin bul jóninde 2009 jylǵy QR Ulttyq halyq sanaǵynyń nátıjelerine arnalǵan brıfıngte QR Statıstıka agenttiginiń tóraǵasy Álıhan Smaıylov málim etti.
Agenttik tóraǵasynyń aıtýynsha, olardyń basym bóligi ózderiniń ana tili dep orys tilin ataǵan.
2009 jylǵy QR Ulttyq halyq sanaǵyn júrgizý barysynda turǵyndarǵa qazaq, orys jáne aǵylshyn tilderin meńgerýleri týraly suraqtar qoıylǵan.
«Tutastaı el boıynsha, 15 jáne odan úlken jastaǵy halyq arasynda qazaq tilin meńgergenderdiń úlesi 74 paıyzdy qurady, qazaq tilin meńgermegender úlesiniń kóbeıýi orystar, ózbekter, ýkraındar, uıǵyrlar, tatarlar, nemister men belarýstar arasynda baıqaldy. Orys tilin joǵaryda atalǵan etnostardyń 90 paıyzy biledi»,- deıdi Á. Smaıylov
Al aǵylshyn tilin meńgermegenderdiń qatarynda qazaqtar, orystar, uıǵyrlar jáne tatarlar basym.
