Qazaqstan halqynyń 7 paıyzy aı saıyn kınoteatrǵa barady
ASTANA. 7 jeltoqsan. QazAqparat - Elimizde prokattyq kınoǵa degen qajettilik óte joǵary. Bul týraly búgin QR Mádenıet jáne aqparat mınıstrliginiń keńeıtilgen alqa májilisinde atalǵan vedomstvonyń vıtse-mınıstri Asqar Bóribaev málim etti.
Vıtse-mınıstr «Qazaqfılm» AQ qazirgi zamanǵy tehnologııamen jabdyqtalǵanyn aıta kele, onda kórkem, derekti jáne anımatsııalyq fılmderdiń óndirisi jolǵa qoıylǵanyn jetkizdi.
Onyń sózine qaraǵanda, bıyl otandyq 7 kartına prokatqa shyqty. Jyl sońyna deıin «Qazaqfılmniń» «Ańyzdar kitaby: syrly orman» jáne «Er Tóstik jáne Aıdahar» atty taǵy 2 týyndysyn shyǵarý josparlanyp otyr.
«Elimizde prokattyq kınoǵa degen qajettilik óte joǵary. Elektrondyq júıeniń málimeti boıynsha kınobıletterdiń satylym deńgeıi bir aıda 1 mıllıonnan asyp otyr. ıAǵnı, barsha Qazaqstan halqynyń 7 paıyz kórermeni aı saıyn kınoǵa barady»,-dedi A. Bóribaev.
Budan bólek ol otandyq kıno búginde senimdi túrdi álemdik naryqqa shyǵyp otyrǵandyǵy tilge tıek etti. Tek sońǵy 4 jyldyń ishinde «Qazaqfılmniń» 99 kartınasy 150 kınofestıvalder men álemniń 48 elindegi halyqaralyq kórsetilimder qatysýshysy boldy.
Atap aıtqanda, bıyl 65-shi Kann kınofestıvalinde «Stýdent» jáne «Jaýjúrek myń bala» kartınalary usynylyp, álemdik prokat úshin bul týyndylardy halyqaralyq dıstrıbıýtorlar alǵan.
