Qazaqstan halqynyń 65,5 paıyzyn qazaqtar quraıdy
ASTANA. QazAqparat - Qazaqstan halqynyń 65,5 paıyzyn qazaqtar quraıdy. Bul týraly búgin QR Statıstıka agenttiginiń basshysy Álıhan Smaıylov málim etti.
«Jyl basyndaǵy derekterge sáıkes, Qazaqstan halqynyń 65,6 paıyzyn qazaqtar, al orystar - 21,5, ýkraındyqtar - 4,8, ózbekter - 3, uıǵyrlar - 1,4, tatarlar - 1,2, nemister - 1,1 paıyzdy quraıdy. Bul elimizdegi úles salmaǵy 1 paıyzdan asatyn ulttardyń kórsetkishi», - dedi ol. Sonymen qatar ol Soltústik Qazaqstan halqynyń 34,2 paıyzyn qazaqtar, 49,9 paıyzyn orystar, 4,5 paıyzyn ýkraındyqtar, 3,5 paıyzyn nemister quraıtyndyǵyn atap ótti. «Al Pavlodar oblysyndaǵy qazaqtardyń úles salmaǵy - 49,8, orystardiki - 37,2, ýkraındyqtar - 4,8, nemister - 2,8 paıyzdy, Qostanaı oblysynda qazaqtar - 38,8, orystar - 42,1, ýkraındyqtar - 8,9, nemister - 3,2 paıyzdy quraıdy», - dedi Á.Smaıylov. Onyń atap ótýinshe, elimizdiń soltústik óńirlerindegi qazaqtar sany tabıǵı ósim men kóshi-qon esebinen artyp keledi.
