Qazaqstan halqynyń 52 paıyzyn áıel azamattar quraıdy -G. Ábdiqalyqova
ANA. 7 maýsym. QazAqparat /Qanat Mámetqazyuly/ - Qazaqstanda 16 mln. 400 myń halyq tursa, sonyń 52 paıyzyn áıelder quraıdy. ıAǵnı el halqynyń basym bóligi názikjandylar.
Bul týraly búgin Astanada Táýelsizdik saraıynda ótip jatqan 7-shi Dúnıejúzilik Islam ekonomıkalyq forýmy aıasyndaǵy Іsker áıelder forýmy barysynda QR Eńbek jáne halyqty áleýmettik qorǵaý mınıstri, QR Prezıdenti janyndaǵy Otbasy jáne demografııalyq saıasat jónindegi ulttyq komıssııanyń tóraıymy Gúlshara Ábdiqalyqova málim etti.
QR Prezıdenti janyndaǵy Otbasy jáne demografııalyq saıasat jónindegi ulttyq komıssııa jumysyna toqtalǵan mınıstr, ótken on eki jyl boıyndaǵy qyzmeti barysynda komıssııanyń qoǵam damýynda mańyzdy ról atqarǵanyn, áli de kóterer júginiń zor ekendigin atap ótti. «Osydan 20 jyl buryn el Táýelsizdiginiń barysynda Qazaqstannyń áıelder qaýymy da óz kúshterimen, belsendiligimen egemendikke qoldaý jasap, eldiń búgingi deńgeıge jetýine óz úlesterin qosty. Árıne, sol kezderi búkil halyqqa aýyr tıdi. Bıznes úshin shaǵyn nesıe berý endi ǵana qolǵa alyndy, naryq zańy túbegeıli ózgeriske ushyrady. Sonyń ózinde isker áıelder qaýymy óz múmkindikterin kórsete bildi», - dedi G. Ábdiqalyqova. Sonymen qatar, mınıstr aǵymdaǵy jyly halyqty jumyspen qamtýdyń jańa baǵdarlamasy júzege asatynyna toqtala kele, onda isker áıelder úshin ǵana emes, kásibin endi bastaıtyndar úshin de úlken múmkindikter qarastyrylǵanyn alǵa tartty. Sonymen qatar, mınıstr áıelder qaýymynyń saıasattaǵy róline de toqtalyp ótti.
