Qazaqstan halqynyń 25 paıyzy memlekettik áleýmettik qoldaý sharalarymen qamtylǵan - E.Orynbaev
ASTANA. 7 aqpan. QazAqparat - Qazaqstan halqynyń 25 paıyzy memlekettik áleýmettik qoldaý sharalarymen qamtylǵan.
Bul týraly búgin QR Eńbek jáne halyqty áleýmettik qorǵaý mınıstrliginiń alqa májilisinde QR Premer-Mınıstriniń orynbasary Erbol Orynbaev aıtty.
«Búgingi tańda áleýmettik qoldaý sharalarymen el halqynyń shamamen tórten biri qamtylǵan. Bul 4 mln.-nan astam adam, onyń ishinde 1,8 mln. zeınetker, 610 myń múmkinshiligi shekteýli adam, bala týýyna baılanysty járdemaqy alatyn 380 myń áıel, 17 jasqa deıingi bala kútimi úshin járdemaqy alatyn 607 myń adam, ataýly áleýmettik kómek alatyn 97 myń jáne turǵyn úı ataýly kómegin alatyn 122 myń adam bar», - dedi ol.
Onyń atap ótýinshe, tolyqtaı alǵanda elimizde memleket bıýdjetinen 75 mlrd. teńge túrli áleýmettik járdemaqylarǵa bólinedi. Ony qazirgi ýaqytta 1,3 mln. adam alady.
