«Qazaqstan halqyna» qoryna ótinishti HQKO qabyldamaıdy

ALMATY. QazAqparat - Almatynyń Túrksib aýdandyq halyqqa qyzmet kórsetý ortalyǵynda Ashyq esik kúni ótti, dep habarlaıdy QazAqparat tilshisi.

Qabyldaýǵa kelgenderdiń kópshiliginiń suraǵy - «Qazaqstan halqyna» qoǵamdyq qorynan qalaı kómek alýǵa bolady degen sıpatta boldy.

«Ashyq esik kúnderi aldaǵy ýaqytta da jalǵasatyn bolady. Munda azamattardyń memlekettik qyzmet alý máselelerine qatysty suraqtaryna jaýap berip, týyndaǵan problemalary bolsa sheshilýine kómektesetin bolamyz. Biraq, «Qazaqstan halqyna» qoryna qatysty suraqtar bizdiń quziretimizge jatpaıdy», - dedi «Azamattarǵa arnalǵan úkimet» MK KE AQ Almaty qalasy boıynsha fılıalynyń dırektory Ermek Bekjúnisov.
Aıta ketsek, «Qazaqstan halqynyń» www.qazaqstanhalqyna.kz saıty arqyly qaıyrymdylyq kómek alýdyń joldarymen tanysa alasyzdar.