«Qazaqstan halqyna» qory taǵy bir Zolgensma preparatyn satyp aldy

NUR-SULTAN. QazAqparat - «Qazaqstan halqyna» qory baǵasy qymbat turatyn «Onasemnogen abeparvovek» (Zolgensma) preparatynyń taǵy bireýin satyp aldy, dep habarlaıdy QazAqparat.

Qordyń málimetinshe, preparatty Qazaqstanǵa Novartis óndirýshi kompanııasy jetkizgen.

«Julyn bulshyqetiniń atrofııasy dıagnozy qoıylǵan kishkentaı Fırdaýs Qaıratqa dári engizildi. Qazir balaqaı anasymen birge Ana men bala ulttyq ǵylymı medıtsınalyq ortalyǵynda dárigerlerdiń baqylaýynda jatyr. Buǵan deıin emdelýshiden bıomaterıal alynyp, balaǵa arnaıy dárilik ónimdi ázirleý úshin Novartis kompanııasyna jiberilgen», - dep jazdy uıymnan.

Esterińizge sala keteıik, qor buǵan deıin SMA dıagnozy bar balalarǵa arnalǵan tórt Zolgensma preparatyn satyp alǵan bolatyn.