«Qazaqstan halqyna» qory qostanaılyqtarǵa jańa úıge zat alýǵa kómektesedi

NUR-SULTAN. QazAqparat – Qostanaı oblysynda orman órtinen zardap shekken azamattarǵa «Qazaqstan halqyna» qory atynan kómek kórsetiledi. Bul týraly qordyń basqarma tóraǵasy Bolat Jámishev málim etti, dep habarlaıdy QazAqparat tilshisi.

«Qostanaı oblysyndaǵy tótenshe jaǵdaı boıynsha biz jaǵdaıdy baqylap, ákimdikpen baılanystamyz. Jalpy, qoǵam qostanaılyqtarǵa kómek kórsetý boıynsha aýyzbirshiligimiz bir ekenin taǵy bir dáleldedi. Bizdiń qor órtten zardap shekken qostanaılyqtarǵa kómekti úılerdi salyp bolǵannan keıin kórsetedi, ıaǵnı jańa úılerge turmys zattaryn alýǵa qolǵa ushyn sozamyz. Óńir ákimi bizdiń usynymyzdy qoldap otyr», - dedi Bolash Jámishev elordada ótken baspasóz máslıhatynda.

Sondaı-aq, qor jańa úılerdi ınfraqurylymmen qamtýǵa da qarjy bólmek.

Búgin elordada jurtshylyq nazaryna «Qazaqstan halqyna» qorynyń jańartylǵan jumys tujyrymdamasy usynyldy.

Odan bólek, jıyn barysynda azamattardyń deni «Qazaqstan halqyna» qorynan kóbine densaýlyq jaǵdaıy boıynsha kómek suraıtyny aıtyldy.

Aıta ketsek, qazaqstandyqtardyń 90%-y qaıyrymdylyq jasaýdy qoldaıtyny belgili boldy.