«Qazaqstan halqyna» qory bilim granttaryna konkýrs jarııalady
Qor bakalavrıat baǵdarlamalary boıynsha joǵary bilim alý aqysyn tóleý úshin memlekettik nemese ózge grant ala almaǵan, aýyldyq jerlerdegi jaǵdaıy tómen otbasylardan shyqqan túlekterge, jetim balalarǵa jáne múgedektigi bar balalarǵa shákirtaqy tólenetin granttar beredi.
«Qazaqstan halqyna» qoǵamdyq qorynyń granttary men shákirtaqysyna úmitkerler (túlekter) ózi tańdaǵan joǵary jáne joǵary oqý ornynan keıingi bilimniń bilim berý baǵdarlamalaryn iske asyratyn bilim berý uıymdarynyń (budan ári – JJOKBU) qabyldaý komıssııasyna 10 tamyzdan bastap 17 tamyz aralyǵynda ótinim tapsyrady. Baǵdarlama 2022-2023 oqý jylynda júzege asyrylady.
JJOKBU komıssııasy arqyly ótkiziletin konkýrstardyń qorytyndylary boıynsha «Qazaqstan halqyna» qoǵamdyq qorynyń bilim berý granttary men shákirtaqysyn berý úshin baǵdarlamanyń qatysýshylaryn irikteý krıterııleri:
UBT tapsyrǵan jáne JJOKBU-ǵa túsý úshin qajet ótý balyn jınaǵan túlekter:
- aýyldyq jerlerdegi jaǵdaıy tómen otbasylardan shyqqan tulǵalar;
- jetim bala sanatyna jatatyn jáne kámelettik jasqa deıin ata-anasynyń qamqorlyǵynsyz qalǵan tulǵalar;
- múmkindikteri shekteýli, sonyń ishinde múgedektigi bar tulǵalar.
2) JJOKBU stýdentteriniń arasynda ótkizetin konkýrstardyń qorytyndylary boıynsha Qordyń granty men shákirtaqysyna úmitker Baǵdarlama qatysýshylaryn irikteý krıterııleri:
- múmkindigi shekteýli, sonyń ishinde múgedektigi bar stýdentter;
- jetim bala sanatyna jatatyn jáne kámelettik jasqa deıin ata-anasynyń qamqorynsyz qalǵan stýdentter;
- aýyldyq jerlerdegi jaǵdaıy tómen otbasylardan shyqqan stýdentter;
- tolyq emes otbasydan, 1 jáne 2 toptaǵy múgedek balalardy tárbılep júrgen otbasydan shyqqan stýdentter;
- ata-analary/ata-anasynyń biri 1 jáne 2 top múgedegi bolyp tabylatyn stýdentter.
Shákirtaqy tólenetin grant baǵdarlamanyń aıasynda shart jasalǵan sátten bastap bakalavrıat baǵdarlamalary boıynsha tolyq oqý kezeńin qamtıdy. Oqý quny boıynsha shekteme árbir grant alýshy stýdent úshin 1 mln teńge mólsherin quraıdy. Eger stýdenttiń jyldyq oqýynyń quny 1 mln teńgeden artyq bolsa, onda 1 mln teńgeden asatyn aıyrmashylyqty grant alýshy stýdenttiń ózi tóleýi tıis.
