Qazaqstan halqyna qory Atyraý oblysynda 2 sport zaldy jabdyqtap beredi
Búgin Atyraýda atalǵan qordyń basqarma tóraǵasynyń orynbasary úkimettik emes uıymdardyń ókilderimen kezdesti.
ÚEU ókilderi erekshe balalardy shetelde emdetý, olardy qajetti qurylǵylarmen, ortopedııalyq aıaq kıimmen qamtamasyz etý máselesin kóterdi.
Sondaı-aq, óńirdegi múmkindigi shekteýli jandarǵa medıtsınalyq kómek kórsetý, bilim sapasyn arttyrý sekildi ózekti máseleler talqylandy.
Basqarma tóraǵasynyń orynbasary Lázzat Shyńǵysbaevanyń aıtynsha, «Qazaqstan halqyna» qoǵamdyq qory qan-tamyrlarynyń patologııasy bar atyraýlyq búldirshinge medıtsınalyq qoldaý kórsetken.
Endi tórt atyraýlyqty ınnovatsııalyq protezdik-ortopedııalyq buıymdarmen qamtamasyz etý kózdelip otyr.
Aldaǵy ýaqytta Maqat jáne Inder aýdanyndaǵy 2 sport zalǵa jalpy somasy 15 mıllıon teńgege jýyq qarajatqa qajetti jabdyqtardy satyp alyp beredi.
«Biz úshin ár óńirdegi túıtkildi máselelerdi saralap, aldaǵy ýaqytta qarjynyń jumsalatyn baǵytyn anyqtaýdyń mańyzy zor. Aýyldarda múmkindigi shekteýli balalarǵa sport baǵyty boıynsha úıirmeler ashylady. Al, aýdandarda bilim sapasyn arttyrý úshin tirek mektebin ashý josparlanyp otyr. Tirek mektebin qajetti quraldarmen jabdyqtap beremiz. Qorǵa jınalǵan qomaqty qarajat densaýlyq saqtaý, bilim, sport, áleýmettik qamtý salalaryn jaqsartý, tótenshe jaǵdaıdyń saldaryn joıý úshin jumsalady», -dedi «Qazaqstan halqyna» qoǵamdyq qory basqarma tóraǵasynyń orynbasary Lázzat Shyńǵysbaeva.
Onyń deregine qaraǵanda, «Qazaqstan halqyna» qoǵamdyq qoryna osy kezge deıin 130 mlrd teńgeden astam qarajat túsken.
Qordaǵy qarjynyń qalaı jumsalatynyn kez kelgen azamat bile alady.
