Qazaqstan halqyna birlik pen yntymaq tileımin - ardager lebizi

ASTANA. 9 mamyr. QazAqparat - Qazaqstan halqyna birlik pen yntymaq tileımin.  Búgin Jeńistiń 67 jyldyǵyna oraı elordadaǵy «Otan qorǵaýshylar» monýmentine gúl shoǵyn qoıý rásimine qatysqan Uly Otan soǵysynyń ardageri Aıdarhan Baıkenov osyndaı lebizin bildirdi.

«Qazaqstanymyzdyń órkendep, qýatty memleket bolýyn, jastarymyzdyń árkezde de deni saý bolyp, elin-jerin súıetin azamat bolyp ósýin tileımin. Olar da bizdiń jasymyzǵa jetip, biz sııaqty elin-jerin, Otanyn súısin. Sonymen qatar bizdiń halqymyzda birlik pen yntymaq, elimizde tynyshtyq pen beıbit ómir bolsyn degen nıetimdi jetkizgim keledi», - deıdi qart maıdanger.

Aıta keteıik, búgin Uly Jeńis kúninde Astanada Elbasy Nurusltan Nazarbaev «Otan qorǵaýshylar» monýmentine gúl shoqtaryn qoıyp, Uly Otan soǵysynyń ardagerlerin, jalpy Qazaqstan halqyn ataýly merekemen quttyqtady.