Qazaqstan halqy uıaly telefondarmen eki esege uzaq sóılesip júr
ASTANA. QazAqparat - Qazaqstan halqy uıaly telefondarmen eki esege uzaq sóılesip júr. Bul týraly QR Investıtsııalar jáne damý mınıstrligi Baılanys, aqparattandyrý jáne aqparat komıtetiniń málimetinde habarlandy.
«Uıaly baılanys tarıfterin azaıtý boıynsha úlken jumys júrgizildi, sońǵy 6 jylda tarıfter 4 ese azaıdy, al sóılesýdiń mınýtynyń ortasha quny búgin jalpy 5 teńgeni qurap otyr. Sonymen birge sóılesýdiń ortasha uzaqtyǵy eki esege, ıaǵnı 114-ten 205 mınýtke deıin ulǵaıdy. Baılanys operatorlarynyń ózderi de básekelesteriniń qysymymen jańa abonentterdi tartý jáne bar abonentterdi saqtap qalý úshin tarıfterdi ózdiginshe tómendetýde», - dep atap ótilgen vedomstvo málimetinde. Búgin «Nur Otan» fraktsııasy janyndaǵy Ekonomıkalyq saıasat jónindegi keńesiniń kóshpeli otyrysynyń barysynda QR IDM Baılanys, aqparattandyrý jáne aqparat komıteti tóraǵasynyń orynbasary Dmıtrıı Golobýrdanyń sózine qaraǵanda, 2010-2015 jyldar kezeńinde ınternet jelisine keń jolaqty qosylý qyzmetiniń quny 4 esege tómendedi, sonymen birge qyzmettiń tehnıkalyq sıpattamasy da jaqsardy. Bul kezeńde operatorlar arasyndaǵy ınterkonnekt mólsheri 60 paıyzǵa tómendedi jáne búginde mınýtyna QQS-syz 8 teńgeni quraıdy, al kelesi jyldyń 1 qańtarynan bastap mınýtyna QQS-syz 5 teńgege deıin tómendeıdi.
