Qazaqstan halqy tilderiniń XIV festıvali aıaqtaldy
ASTANA. 20 qyrkúıek. QazAqparat - Búgin Astanadaǵy Oqýshylar saraıynda Qazaqstan halqy tilderi XIV festıvaliniń saltanatty jabylý rásimi ótti.
Bir aıǵa sozylǵan Qazaqstan halqy tilderi XIV festıvali aıasynda 300-ge jýyq úlkendi-kishili is-sharalar ótti. Sol kezde talaı ónerpazdar óz ónerlerin pash etti. Máselen, «Memlekettik til - memlekettik qyzmette» baıqaýy barysynda memlekettik qyzmetkerler ózara synǵa túsip, qazaq tilin bilý jaǵynan jarysty. Ol saıysta Astana qalasy sotynyń mamandary úzdik dep tanyldy. Budan basqa, qalanyń bilim berý mekemelerinde san alýan til ustartý konkýrstary uıymdastyryldy. Oǵan ózge ulttardyń ókilderi kóptep qatysty. Búgin olardyń bári Oqýshylar saraıynyń sahnasyna shyǵyp, óz ónerlerin taǵy bir márte pash etti. Іs-shara aıasynda olarǵa memlekettik tildiń damýyna qosqan úlesi úshin Astana qalasynyń Tilderdi damytý basqarmasynyń alǵyshattary tabystaldy.
