Qazaqstan halqy tilderiniń kúni Astanada atalyp ótedi

ASTANA. QazAqparat - Qazaqstan halqy tilderiniń kúnine oraı elordada XVІІ qalalyq tilder festıvali ótkiziledi. Festıval qarsańynda merekelik kontsertter men túrli saıystar uıymdastyrylady, dep habarlady qalalyq ákimdiktiń baspasóz qyzmetinen.

Bıyl XVII ret uıymdastyrylyp otyrǵan festıvaldiń ashylý saltanaty 8 qyrkúıek kúni saǵat 18.30-da "Kongress-Holl" saraıynda ótedi. 7 qyrkúıek kúni, saǵat 18.00-de Q. Qýanyshbaev atyndaǵy memlekettik akademııalyq qazaq mýzykalyq drama teatrynda Otbasy kúnine oraı «Otan otbasynan bastalady» atty merekelik is-shara ótedi. Sondaı-aq, 16 qyrkúıek kúni, saǵat 17.00-de «Mega» OSO «Úzdik jarnama» baıqaýy uıymdastyrylady. 18 qyrkúıekte QR Prezıdenti janyndaǵy memlekettik qyzmet akademııasynda «Memlekettik til - memlekettik qyzmette» atty baıqaý uıymdastyrylady. 22 qyrkúıekte, saǵat 18.00-de «Tilep qobyz saraıy» kontserttik zalynda Qazaq handyǵynyń 550 jyldyǵyna arnalǵan «Tarıh pen til tamyrlas» atty aqyndar músháırasy ótedi. Qazaqstan halqy tilderiniń XVII festıvaliniń jabylýy 24 qyrkúıekke belgilenip otyr. Osy kúni tańǵy saǵat 10.00-den 22.00-ge deıin qoǵamdyq kólikter, medıtsına mekemeleri men saýda ortalyqtarynda «Biz memlekettik tilde qyzmet kórsetemiz» atty aktsııa ótpekshi. Jabylý saltanaty aıasynda Ortalyq alańda «Til tutastyǵy - el tutastyǵy» atty gala kontsert uıymdastyrylady