Qazaqstan halqy tilderi kúninde ózge ult stýdentteri bas qosady
ASTANA. 18 qyrkúıek. QazAqparat - 19 qyrkúıekte Nazarbaev ortalyǵynda Qazaqstan halqynyń tilder kúnine arnalǵan «Til - táýelsizdik tuǵyry» atty dóńgelek ústel ótedi. Bul týraly astana.kz saıtyna Nazarbaev ortalyǵynyń baspasóz qyzmetinen habarlady.
Dóńgelek ústel jumysyna Nazarbaev ortalyǵynyń qyzmetkerleri men L.N.Gýmılev atyndaǵy EUÝ professor-oqytýshylar quramy men stýdentteri qatysady.
«Ártúrli ult ókilderinen quralǵan stýdentter Muqaǵalı Maqataev, Qadyr Myrzalıev, Syrbaı Máýlenov, Ábý Sársenbaev syndy aqyndardyń óleńderin oqıdy. Shara aıasynda qazaq tili týraly fılm kórsetilip, «Til - táýelsizdigimizdiń tiregi» atty kitap kórmesi uıymdastyrylady»,- dep habarlady baspasóz qyzmetinen.
Іs-shara memlekettik jáne ana tilge degen qyzyǵýshylyqty yntalandyrý, toleranttylyq pen patrıottyq sezimdi oıatýdy kózdeıdi.
Eske salaıyq, QR Prezıdentiniń 1998 jylǵy 20 qańtardaǵy Jarlyǵymen 22 qyrkúıek Qazaqstan halqy tilderi kúni bolyp belgilendi. Bul kún qazaqstandyqtardyń ortaq merekesi retinde atalyp ótiledi. Búgingi tańda elimizde 85 ult pen ulys ómir súredi.
