Qazaqstan halqy Prezıdent saılaýynyń mańyzdylyǵyn taǵy bir márte dáleldep otyr - Djeıkob Zenn
ASTANA. QazAqparat - Qazaqstan halqynyń birligi eldiń kez kelgen jahandyq synaqqa tótep bere alatynyn kórsetti. Búgin elimizde ótip jatqan kezekten tys Prezıdent saılaýyna oraı ótken baspasóz máslıhatynda AQSh baıqaýshylar mıssııasynyń ókili, saıasattanýshy Djeıkob Zenn osylaı málimdedi.
Brıfıng barysynda AQSh ókili Astanada birqatar saılaý ýchaskelerin aralaǵanyn, sol arqyly daýys berýshilerdiń belsendiligin joǵary baǵalaıtynyn atap ótti.
«Osynyń ózi Qazaqstan halqy úshin Prezıdent saılaýynyń mańyzdylyǵyn taǵy bir márte dáleldep otyr. Jalpy, kez kelgen eldegi saılaý - sol eldiń demokratııasynyń qanshalyqty damyǵanyn kórsetedi. Osy turǵydan alǵanda, 20 jyl burynǵy Qazaqstandy búgingi Qazaqstanmen salystyrsaq, búgingi eldiń jaǵdaıy, demokratııalyq ınstıtýttar qurylymynyń progresi týraly aıtýǵa bolady», - dedi Dj. Zenn. «Álemdik túrli qaterlerdiń údeı túsken shaǵynda Qazaqstan halqynyń birligi osy eldiń kez kelgen jahandyq synaqqa ázir ekenin kórsetedi», - dedi ol.
