Qazaqstan halqy Peresti ekijaqty qarym-qatynasty nyǵaıtqan tarıhı tulǵa retinde este saqtaıdy - Nazarbaev

ASTANA. QazAqparat - Nursultan Nazarbaev Izraıldiń burynǵy Prezıdenti Shımon Perestiń qaıtys bolýyna baılanysty Izraıl Prezıdenti Reýven Rıvlınge kóńil aıtý jedelhatyn joldady, dep habarlaıdy Aqordanyń baspasóz qyzmeti.

Jedelhatta Izraıldiń burynǵy Prezıdenti Shımon Perestiń ómirden  ótkeni týraly habardy Memleket basshysynyń zor kúızelispen qabyldaǵany aıtylǵan.

«Qazaqstan halqy Shımon Peresti parasatty basshy, ekijaqty qarym-qatynasty nyǵaıtýǵa orasan eńbek sińirgen tarıhı tulǵa ári bedeldi saıasatker retinde árdaıym este saqtaıtyn bolady» - delingen kóńil aıtý jedelhatynda.

Elbasy Nursultan Nazarbaev Shımon Peresti óziniń adal ári senimdi dosy retinde qurmet tutqanyn atap ótti.

«Onymen áńgimelesý árdaıym paıdaly edi, sol kezdesýlerimizdi jyly sezimmen eske alatyn bolamyn» - delingen jedelhatta.

Sońynda Qazaqstan Prezıdenti orny tolmas qaıǵyǵa ortaqtasa otyryp, Izraıl Prezıdenti R.Rıvlınge jáne barsha Izraıl halqyna kóńil aıtty.