Qazaqstan halqy M.Nárikbaevtyń esimi men eńbegin umytpaıdy - N. Nazarbaev
ASTANA. QazAqparat - Qazaqstan Prezıdenti Nursultan Nazarbaev kórnekti zańger, memleket jáne qoǵam qaıratkeri Maqsut Nárikbaevtyń qaıtys bolýyna baılanysty týǵan-týystary men jaqyndaryna kóńil aıtý jedelhatyn joldady.
Bul týraly Aqordanyń baspasóz qyzmetinen habarlady.
Memleket basshysy Nursultan Nazarbaev M.Nárikbaevtyń uzaqqa sozylǵan aýyr naýqastan qaıtys bolýyna baılanysty aýyr qaıǵyǵa ortaqtasyp, kóńil aıtty.
Jedelhatta Maqsut Sultanulynyń bilikti zańger jáne isker uıymdastyrýshy retinde tanylǵany atap ótilgen. Bas prokýror, Joǵarǵy sottyń tóraǵasy, Memlekettik zań akademııasynyń rektory qyzmetterin atqarǵan M.Nárikbaev Qazaqstanda quqyqtyq memleket qalyptastyrý jáne damytý isine zor úles qosty.
Sonymen qatar, ol eldiń saıası jáne qoǵamdyq ómirinde eleýli iz qaldyrǵan «Ádilet» partııasyn qurdy. Eńbegi úshin respýblıkanyń joǵary nagradalarymen marapattaldy.
Nursultan Nazarbaev Qazaqstan halqy M.Nárikbaevtyń esimi men eńbegin umytpaıtynyn aıtty.
