Qazaqstan halqy forýmy 2015 jyldyń 1 naýryzynda ótedi
ASTANA. QazAqparat - Aldaǵy jyldyń birinshi naýryzynda Qazaqstan halqy forýmy uıymdastyrylady. Bul týraly búgin QR Úkimet otyrysynyń qorytyndysy boıynsha Ortalyq kommýnıkatsııalar qyzmetindegi brıfıngte Mádenıet mınıstri Arystanbek Muhamedıuly málim etti.
«Memleket basshysynyń tapsyrmasy boıynsha Qazaqstan halqy forýmy ótkiziledi. Ony uıymdastyrý datasy retinde Qazaqstan halqy Assambleıasy qalyptasqan kúndi, ıaǵnı 1 naýryzdy belgileýdi usynamyz», - dedi mınıstr. Osy oraıda ol Elbasynyń tapsyrmasyna sáıkes, 2015 jyl Qazaqstan halqy Assambleıasy jyly, elimiz Konstıtýtsııasynyń 20 jyldyǵy bolyp jarııalanǵanyn eske salyp ótti. Bul turǵyda Qazaqstan halqy Assambleıasynyń jylyn jáne QR Konstıtýtsııasynyń jıyrma jyldyǵyn ótkizý boıynsha aýqymdy is-shalardy uıymdastyrý maqsatynda Jalpy respýblıkalyq ulttyq jospar ázirlenetin bolady.
