Qazaqstan halqy elimizdegi dinı ahýaldy turaqty dep sanaıdy - Ǵalym Shoıkın

ASTANA. QazAqparat - Qazaqstandyqtardyń basym bóligi elimizdegi dinı ahýaldy turaqty dep sanaıdy. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Mádenıet jáne sport mınıstrligi Din isteri komıtetiniń tóraǵasy Ǵalym Shoıkın málim etti.

«Elimizdegi dinı ahýalǵa toqtalatyn bolsaq, bul jaǵdaı bizde turaqty. Memleket pen konfessııalar arasyndaǵy, sondaı-aq konfessııalar arasyndaǵy ózara qatynastar syndarly mánge ıe. Búginde halqymyzdyń basym bóligi dinı jaǵdaıdy turaqty dep baǵalaýda jáne osy salada memlekettiń saıasatyn qoldaıdy», - dedi ol.

Osy oraıda ol elimizdegi túrli dinder men konfessııalar ókilderi arasynda tıimdi ózara is-qımyl men beıbit qatar ómir súrýge qolaıly jaǵdaı qalyptasqanyn atap ótti.

«Bul óz kezeginde Qazaqstanda dinı jaǵdaıdyń turaqtylyǵyna yqpal etýde», - dep túıdi Shoıkın.