Qazaqstan halqy dúnıe júzine órkenıetti el ekenin taǵy da bir dáleldep kórsetti - Elbasy
ASTANA. 4 sáýir. QazAqparat /Rýslan Ǵabbasov/ - Qazaqstan halqy dúnıe júzine órkenıetti el ekenin taǵy da bir dáleldep kórsetti.
3 sáýirde ótken QR Prezıdentiniń kezekten tys saılaýynda Memleket basshysynyń jeńiske jetýine baılanysty búgin Astanadaǵy «Qazaqstan» sport kesheninde uıymdastyrylǵan «Elbasymen birge, alǵa!» atty forýmda Prezıdent Nursultan Nazarbaev osylaı málimdedi.
«Qazaqstan halqy óziniń bolashaǵyna negizdelgen el ishindegi birlikti saqtaıtynyn dúnıe júzine órkenıetti memleket ekenin taǵy da bir dáleldep kórsetti»,-dedi Elbasy.
Osy oraıda N. Nazarbaev QR Prezıdentiniń kezekten tys saılaýyna 1 myńnan astam sheteldik baıqaýshylar qatysqanyn, sondaı-aq olar aýqymdy shara barysynda eshqandaıda kemshilikterdi baıqamaǵanyn jáne osy saılaýdy zańdy dep tanyǵanyn atap ótti. «Táýelsizdigimizdiń 20 jyldyǵy qarsańynda úlken saılaý ótkizip, tórtkúl dúnıeniń nazaryn Qazaqstanǵa aýdardyq. Ashyq ári naǵyz ádil bolǵan saılaýdyń nátıjesinde, jańa habarlaǵan málimet boıynsha Qazaqstan saılaýshylarynyń 90 paıyzdan astamy meni qoldap daýys berdi. Bul jeńis barshamyzdyń jeńisimiz. ıAǵnı, Qazaqstan halqynyń jeńisi»,-dep túıindedi N. Nazarbaev.
Aıta keteıik, elordadaǵy «Qazaqstan» sport kesheninde Memleket basshysynyń myńdaǵan jaqtastary men nıettesterinen jınalǵan úlken forým ótip jatyr. Onda Elbasynyń sózinen keıin elimizdiń zııaly qaýymnan quralǵan top quttyqtaýlaryn arnap, tanymal ánshiler kontsert qoıýda.
