Qazaqstan halqy birlikte ómir súrýdiń mán-mańyzyn jaqsy túsinedi - Gaýhar Arystanqyzy
«Qazaqstan halqynyń birligi kúni merekesine oraı osyndaı mańyzdy is-sharany uıymdastyrdyq. Atap aıtqanda, birlikte, yntymaqta ári tatýlyqta ómir súrýdiń mán-mańyzyn barshamyz jaqsy túsinemiz. Elimizde adamdardy ultyna, ulysyna, diline, dinine, tiline bólmeı, bárine qushaǵyn aıqara ashyp, kim kelse de baýyrym dep qarsy alady. Sondyqtan Qazaq eliniń birligi men yntymaǵy nyǵaıa bersin, kók týymyz kógimizde máńgi jelbiresin. Eń bastysy, Qazaqstan degende Qazaq eli ekenin bildiretin - memlekettik tilimiz. Osy oraıda bul keshti uıymdastyrýdaǵy maqsat – Qazaqstan halqynyń yntymaǵyn, birligin nasıhattaý, barlyq ulttyń ókiliniń qatynas tili retinde memlekettik tildiń rólin kúsheıtý», - dedi G. Arystanqyzy.
Atap aıtqanda, 1 mamyr – Qazaqstan halqynyń birligi kúni qarsańynda Nur-Sultan qalasynyń tilderdi damytý jáne arhıv isi basqarmasy «Til – tutastyq tuǵyry» atty rýhanı-taǵylymdy kesh ótkizdi.
Mádenı sharada «Qorqyt» etnoansambli, Q.Qýanyshbaev atyndaǵy memlekettik akademııalyq qazaq mýzykalyq drama teatrynyń ártisteri, ánshiler Altynaı Jorabaeva, Qurmash Maqan, Gúlsim Myrzabekova, Sabyr Gýseınov, Mádı Syzdyq óner kórsetti.
Sondaı-aq Assambleıa quramyndaǵy etnos ókilderi de atsalysty. El birligi, yntymaqtasý jaıly arnaıy daıyndalǵan beınerolıkter kórsetilip, etnosaralyq qarym-qatynas saıasaty jaıly aqparat beriledi.
Bul mereke 1996 jyldan bastap atap ótiledi. Dostyq pen ózara túsinistiktiń nyshany bolǵan bul meıram - Qazaqstan qoǵamyndaǵy biriktirýshi faktorlardyń biri.
Sol turǵydan alǵanda 1 mamyr merekesi elimizde ulttar men ulystardyń dostyǵy men tatýlyǵynyń, azamattyq kelisimniń, aýyzbirliginiń jarqyn kórinisin pash etedi.
