Qazaqstan halqy Assambleıasynyń ókilderi Prezıdent Joldaýyn talqylady
Sharaǵa Assambleıa tóraǵasynyń orynbasary –Hatshylyq meńgerýshisi Marat Ázilhanov, QR Aqparat jáne áleýmettik damý vıtse-mınıstri Serik Egizbaev, Assambleıadan saılanǵan Parlament Májilisiniń depýtattary, respýblıkalyq jáne oblystyq etnomádenı birlestikter tóraǵalary, Assambleıanyń qoǵamdyq qurylymdarynyń ókilderi, «Jańǵyrý joly» QHA respýblıkalyq jastar qozǵalysynyń músheleri qatysty.
«Búgin biz Memleket basshysynyń «Halyq birligi jáne júıeli reformalar - el órkendeýiniń berik negizi» atty Qazaqstan halqyna Joldaýyn talqylaý úshin dóńgelek ústel ótkizip jatyrmyz. Bul dóńgelek ústelge Májilis depýttary men memlekettik organ ókilderinen bólek, mádenı birlekstikterdiń basshylary men ǵylymıı sarapshylar shaqyryldy. Jastar da bar. Óńirlerdiń bári onlaın rejımde qosylyp jatyr. Basty maqsat – Joldaýdyń negizgi basymdyqtary men qaǵıdattaryn talqylaý. Onyń ishinde, álbette, beıbitshilik pen kelisim saıasaty, halyq birligi, ultaralyq kelisim máselelerin talqylaý kózdelip otyr. Bul máselege Memleket basshysy Joldaýynda úlken taraý arnap, kóp máseleler kóterdi. Onyń ishinde jas býyndy tárbıeleý, memlekettik tildi damytý, ortaq qundylyqtardy dáripteý máseleleri qozǵaldy. Bizdiń Assambleıa músheleri, búkil etnomádenı birlestikterdiń ókilderi, basshylary osy jumysqa atsalysyp, sol qundylyqtarymyzdy ári qaraı dáriptep, qoǵamǵa engizýge atsalysa beredi», - dedi Marat Ázilhanov shara aldynda BAQ ókilderine bergen suhbatynda.
Jıyn qorytyndysy boıynsha, Qazaqstan halqy Assambleıasynyń músheleri men barlyq qurylymdary Prezıdent Joldaýyn túsindirý jáne iske asyrý jónindegi jumysqa qatysý úshin naqty sharalar ázirleıtin bolyp tarqasty.
