Qazaqstan halqy Assambleıasynyń qyzmetine qatysty ádiletsiz syn kóp aıtylyp júr – Aıda Balaeva
«Prezıdent is júzinde árbir sózinde jumystaǵy tıimdiliktiń basymdyǵyna basa nazar aýdaryp keledi. Ashyqtyqqa, problemaly máselelerdi talqylaýǵa daıyn bolýǵa degen umtylysty óziniń úlgisimen kórsetip júr. Óz áriptesterinen de osyndaı belsendi pragmatıkalyq qadam kútedi. Osyǵan baılanysty Qazaqstan halqy Assambleıasynyń búkil qyzmeti Joldaýdyń mindetterin iske asyrýǵa qajetti múmkindikter órisin qalyptastyrýǵa baǵyttalǵan belsendi ozyńqy sıpatta bolýǵa tıis. Jaǵdaıdy ózgertetin ýaqyt keldi», - dedi Aıda Balaeva Prezıdenttiń «Jańa Qazaqstan: jańarý men jańǵyrý joly» atty Joldaýyn júzege asyrý joldaryn talqylaǵan jıynda.
Onyń paıymynsha, Qazaqstan halqy Assambleıasynyń qyzmetine qatysty ádiletsiz syn kóp aıtylyp júr.
«Túrli pikirler bolatyny túsinikti. Qazir Qazaqstan halqy Assambleıasynyń jasampaz negizi bar ekenin taǵy da dáleldeýdiń tamasha múmkindigi týyp otyr. Bul turǵyda birneshe baǵyt bar. QHA janynda jumys isteıtin keńester, medıatsııa, qaıyrymdylyq fýnktsııalary ózderin tıimdi kórsetip otyr. Biz bul baǵyttaǵy jumysty odan ári jalǵastyramyz dep oılaımyn. Sonymen qatar, jańa jaǵdaıda jumystyń jańa baǵyttary paıda bolady, olardy biz belsendi túrde talqylaımyz», - dedi Prezıdent Ákimshiligi basshysynyń orynbasary.
