Qazaqstan halqy Assambleıasynyń qyzmetine aýyl turǵyndary da qyzyǵýshylyq tanytyp otyr

 Buǵan aǵymdaǵy jyldyń shilde aıynda Aýyl jastarynyń odaǵymen uıymdastyrylǵan sharalar barysynda kóz jetkizdik. Bul týraly búgin búgin Syrtqy ister mınıstrliginde ótken Qazaqstan halqy Assambleıasynyń keńeıtilgen májilisinde Assambleıa tóraǵasynyń burynǵy orynbasary Vıtalıı Sventsıtskıı málim etti, dep habarlaıdy QazAqparat.

 Onyń  aıtýynsha, qazir Assambleıa músheleri tek qalalyq aýmaqtardy ǵana emes, aýyldyq jerlerdegi azamattarmen de jumys istegenderi durys. «Basqasha aıtqanda, aýyldar men aýdandarda Qazaqstan  halqy Assambleıasynyń qurylymdaryn qurý qajet. Óıtkeni bizdiń qyzmetimizge qazir ulttyq jáne jas erekshelikterine qaramastan qyzyǵýshylyq tanytyp otyrǵandar jeterlik. Men jaqynda ǵana Batys Qazaqstan oblysynyń Terekti aýdanynda jáne oǵan qarasty Aqjaıyq jáne Shaǵaı aýyldarynda boldym. Ondaǵy turǵyndardyń barlyǵy

da Assambleıa qyzmetine qyzyǵýshylyq tanytty. Olar beıbitshilik pen kelisimge baǵyttalǵan osy qyzmet úshin Memleket basshysyna da, bizge de alǵystaryn bildirip jatty. Sondaı-aq  memlekettik tildi damytýǵa qatysty ózderin alańdatatyn máseleler jóninde de pikirlerin bildirdi. Bul - til máselesine baılanysty júzege asyrýǵa tıisti mindetterge qalyń kópshiliktiń túsinistikpen qarap otyrǵandyǵynyń belgisi», dedi Vıtalıı Sventsıtskıı.