Qazaqstan halqy Assambleıasynyń Keńesi qazaqstandyqtardy qoǵamdaǵy mádenıetaralyq únqatysýdyń mańyzdy ınstıtýty qurylýynyń 15 jyldyǵymen quttyqtady

STANA. Naýryzdyń 1-i. QazAqparat. Qazaqstandaǵy barlyq etnos ókilderiniń múddesin qamtamasyz etýshi uıym qurý týraly ıdeıany al­ǵash ret Elbasy N.Á.Nazarbaev 1992 jyldyń jeltoqsanynda ótkizilgen Qazaqstan halqynyń birinshi fo­rýmynda aıtty. 1995 jylǵy naý­ryzdyń 1-inde Qazaqstan Respýblıkasy Pre­zıdentiniń Jarlyǵymen konsýlta­tıvti-keńestik organ Qazaqstan halqy Assambleıasy quryldy.

Atalǵan bastama, delingen Qazaqstan halqy Assambleıasy Keńesiniń quttyqtaýynda, mádenıetaralyq únqatysýdy nyǵaıtýdyń jańa kezeńiniń negizin qalap, etnosaralyq qatynastardy damytý máselelerin joǵary deńgeıde sheshýge múmkindik jasaıtyn álemdik tájirıbedegi tyń baǵyt dep baǵalandy. Qazaqstan halqy Assambleıasy ózi­niń 15 jyldyq damý jolynda ıns­­tıtýttyq turǵyda nyǵaıyp, uıy­s­­tyrýshy jáne zııatkerlik múm­kindigin jetildirdi, halyq dıploma­tııasynyń mańyzdy kúretamyryna aınaldy. Baıyrǵy qazaq ultynyń ǵasyrlar boıy qalyptasqan tózim­dilik qasıeti men qundy mádenıetine negizdelgen Assambleıanyń san salaly mádenı butaqtary Qazaqstan halqynyń baǵa jetpes rýhanı ıgiligine aınaldy.

Assambleıa elimizdegi barlyq etnos ókilderin ortaq maqsatqa uıys­tyra otyryp, respýblıkadaǵy turaqtylyqty saqtaý men syndarly damytý maqsatyna aıtýly úles qosty.

Assambleıa qyzmetiniń arqasynda Qazaqstanda etnosaralyq jáne kon­fessııaaralyq kelisimniń aıryqsha úlgisi qalyptasyp, etnostyq nemese dinı ereksheligine qaramastan árbir azamattyń quqyǵy pen erkindigi qamtamasyz etildi. Qazaqstannyń kópetnostyq baı keńistiginde senim, kelisim men ózara túsinistik úlgisi ornady.

Assambleıa halyqaralyq qaýym­das­­tyq tarapynan moıyndalyp, onyń etnosaralyq únqatysýdy uıym­dastyrý baǵytyndaǵy tıimdi qyzmeti EQYU-ǵa múshe elder tara­pynan qyzyǵýshylyq týdyryp otyr.

Assambleıa óziniń on bes jyldyq tarıhynda 15 sessııa ótkizip, atalǵan sharalarda qoǵam ómirindegi mańyzdy máseleler men memleket damýyndaǵy negizgi baǵyttar talqylandy.

Qazirgi tańda Qazaqstan halqy Assambleıasy Elbasynyń halyqqa Joldaýynda kórsetilgen mindetterdi júzege asyrý men egemen Qazaq­stannyń basty qundylyǵy - Táýel­sizdikti nyǵaıtý baǵytynda belsendi qyzmet atqaryp otyr. Bul qoǵam jáne el bolashaǵy aldyndaǵy asa mańyzdy mindet pen aýqymdy jaýap­kershilik.

Árbir úıde, ár otbasynda, qala­lar men aýyldarda beıbitshilik pen kelisim ornap, ózara túsinistik pen aza­mattyq qoldaý bizdiń ortaq Ota­ny­myz - Qazaqstannyń ıgiligi men ór­kendeýine úles qosa bersin dep tileımiz, delingen Qazaqstan halqy Assambleıasy Keńesiniń quttyqtaýynda.