Qazaqstan halqy Assambleıasynyń qaıyrymdylyq qoryn qurǵan jón - N.Nazarbaev

ASTANA. QazAqparat - Qazaqstan halqy Assambleıasynyń qaıyrymdylyq qoryn qurǵan jón. Búgin QR Tuńǵysh Prezıdenti kitaphanasynda Alǵys aıtý kúnine arnalǵan is-shara barysynda Elbasy Nursultan Nazarbaev osylaı dedi.

Memleket basshysy óz sózinde beıbitshilik pen kelisimniń qazaqstandyq tájirıbesi negizinde bolashaǵy birtutas ult qalyptasatyndyǵyn atap óte kele, Alǵys aıtý kúni 1 naýryzǵa belgilenýi ádiletti sheshim bolǵanyn basa aıtty. Óıtkeni, dál osy kúni Qazaqstan halqy Assambleıasy qurylǵanyn eske saldy.

«Bul kúndi qaıyrymshylyqtyń aıryqsha sharalarmen jáne muqtaj jandar men jaqyndarǵa qoldaý kórsetýmen atap ótken mańyzdy. Osyǵan baılanysty Assambleıanyń arnaıy qoryn qurý jaqsy bolar edi. Sol arqyly olar qoldaý kórsete alady. Árbir aýyldaǵy, qala men aýdandaǵy áleýmettik mańyzy bar máselerdi sheshý aktsııalarynyń aıryqsha qundylyǵy bar», - dedi Memleket basshysy.