Qazaqstan halqy Assambleıasynyń HHHІ sessııasynda qandaı máseleler talqylanady

NUR-SULTAN. QazAqparat – «Qoǵamdyq kelisim» RMM dırektory Ǵalymjan Qusmanǵalı Qazaqstan halqy Assambleıasynyń HHHІ sessııasynda qandaı máseleler talqylanatyn aıtyp berdi, dep habarlaıdy QazAqparat.

«Prezıdenttiń saıası ózgeristerdi júzege asyrýǵa baǵyttalǵan jańa saıası bastamalary aıasynda Qazaqstan halqy Assambleıasynyń jáne onyń qoǵamdyq qurylymdardyń róli men mańyzyn qarastyrý qajet ekeni sózsiz. Osy jáne basqa da máseleler 29 sáýirde ótetin QHA-nyń aldaǵy sessııasynda talqylanady. Prezıdent «El birligi – jańarǵan Qazaqstannyń negizi» kún tártibimen Assambleıa sessııasyn shaqyrý týraly ókimge qol qoıdy», - dedi Ǵalymjan Qusmanǵalı Ortalyq kommýnıkatsııalar qyzmetinde ótken baspasóz máslıhatynda.

Spıkerdiń aıtýynsha, sessııa eki kúnge josparlanǵan. Birinshi kúni úsh sektsııada pikirtalastar ótedi – «Ult keleshegi jáne QHA-ny jańǵyrtý, «Halyq birligi; bilimniń, mádenıettiń jáne azamattyq qoǵam men buqaralyq medıa ınstıtýttarynyń róli» jáne úshinshi sektsııanyń taqyryby: «Qazaqstan halqy Assambleıasynyń jastar sessııasy».

Ekinshi kúni QHA sessııasy Prezıdent Qasym-Jomart Toqaevtyń tóraǵalyǵymen ótedi.