Qazaqstan halqy Assambleıasynyń damý tujyrymdamasyna ózgerister engizilmek
Bul týraly búgin Ortalyq kommýnıkatsııalar qyzmetinde Qazaqstan halqy Assambleıasy Tóraǵasynyń birinshi orynbasary Eraly Toǵjanov málim etti.
«Qazaqstan halqy Assambleıasynyń 2025 jylǵa deıingi damý tujyrymdamasyna tolyqtyrýlar engiziletin bolady. Mundaı tujyrymdama qoldanysta baryn bilesizder. 2008 jyly qabyldanǵan «Qazaqstan halqy Assambleıasy týraly» zańǵa ózgerister men tolyqtyrýlar engizýdi josparlap otyrmyz», - dep atap ótti E.Toǵjanov.
Onyń aıtýynsha, Assambleıa zamana aǵymyna sáıkes ózgerip otyrýy tıis. Kerek deseńiz odan ozyq júrý, bir qadam alda turý maqsaty da qoıylyp otyr.
«Sonymen qatar Qazaqstan halqy Assambleıasynyń mártebesi jeke belgilenetin bolady. Qazaqstan halqy Assambleıasynyń sessııasynda Memleket basshysy Assambleıa jalpy memlekettik, jalpy azamattyq jáne saıasıústilik ınstıtýt degen bolatyn. Sondyqtan osy turǵyda ózgerister Qazaqstan Assambleıasynyń mazmundyq jaǵyn qamtyp, ınstıtýttyq qurylymyn bekitýge baǵyttalatyn bolady», - dedi ol.
Assambleıa Tóraǵasynyń birinshi orynbasary atap kórsetkenindeı, bul tolyqtyrýlar ortalyq memlekettik atqarýshy organdardyń jumysyn retteıtin zańdarǵa da ózgerister alyp kelýi yqtımal.
