Qazaqstan halqy Assambleıasynan Parlament Májilisi depýtattarynyń saılaýyna úmitkerlerdi usyný 26 jeltoqsanda ótedi
ASTANA. 24 jeltoqsan. QazAqparat - «Qazaqstan halqy Assambleıasynan Parlament Májilisi depýtattarynyń saılaýyna úmitkerlerdi usyný 26 jeltoqsanda ótedi», - dep habarlaıdy Assambleıanyń baspasóz qyzmeti.
Dúısenbi kúni Qazaqstan halqy Assambleıasy keńesiniń májilisine Memlekettik hatshy Qanat Saýdabaev qatysady. Onda Assambleıanyń Qazaqstannyń táýelsizdigi men respýblıka halqynyń birligin nyǵaıtý máselesi sóz bolady. Sonymen qatar Assambleıanyń parlamenttik ókildigi qyzmetiniń tájirıbesi talqylanyp, qorytyndylanady.
