Qazaqstan halqy Assambleıasyna eldegi barlyq qaıyrymdylyq aktsııalaryn úılestirýshi róli júkteledi - N.Nazarbaev

ASTANA. QazAqparat - Qazaqstan halqy Assambleıasyna eldegi barlyq qaıyrymdylyq aktsııalaryn úılestirýshi róli júkteledi. Búgin QR Tuńǵysh Prezıdenti kitaphanasynda Alǵys aıtý kúnine arnalǵan is-shara barysynda Elbasy Nursultan Nazarbaev osylaı dedi.

«Meniń tapsyrmammen Ult jospary aıasynda Qazaqstan halqy Assambleıasyna eldegi barlyq qaıyrymdylyq aktsııalaryn úılestirýshi róli zańmen bekitilgen. Úkimet jáne barlyq qatysy barlar muny uıymdastyrýy qajet. QHA tarıhy - bul bizdiń dostyǵymyz ben turaqtylyǵymyzdyń tarıhy», - dedi Elbasy.

Osy rette Memleket basshysy beıbitshilik pen kelisimde ómir súrý bul bizdiń qundy tájirıbemiz ekendigin ári ony ár ýaqytta qorǵaýǵa tıis ekendigimizdi basa aıtty.

«Bireý óziniń ulty ózgeden jaqsy ekendigin nemese ustanatyn dini ózgeden artyq ekendigin aıtqan kezde eń qorqynyshty jaıttar oryn alady. Biz ony álemniń túpkir-túpikirinen kórip otyrmyz. Qoǵamda ońbaǵandar kezdesedi, túrli jaıttar bolady. Biraq, biz turmystyq jaıttarǵa nazar aýdarmaýymyz qajet», - dedi N.Nazarbaev.